ଦେଶରେ କମୁଛି ଘରୋଇ ସଞ୍ଚୟ, ୩ ବର୍ଷରେ ୯ ଲକ୍ଷ କୋଟି କମିଲାଣି
ନୂଆଦିଲ୍ଲୀ : ଦେଶରେ କ୍ରମଶଃ ହ୍ରାସ ପାଇବାରେ ଲାଗିଛି ଘରୋଇ ସଞ୍ଚୟ। କାରଣ ଗତ ୩ ବର୍ଷରେ ଏହି ଘରୋଇ ସଞ୍ଚୟ ପରିମାଣ ୯ ଲକ୍ଷ କୋଟି ଟଙ୍କା ହ୍ରାସ ଘଟିଛି। ୨୦୨୨-୨୩ ଆର୍ଥିକବର୍ଷରେ ଏହି ସଞ୍ଚୟ ପରିମାଣରେ ହ୍ରାସ ହୋଇ ୧୪.୧୬ ଲକ୍ଷ କୋଟି ଟଙ୍କାକୁ ଖସିଆସିଲାଣି, ଯାହାକି ବଡ଼ ଚିନ୍ତାରେ ବିଷୟ। କେନ୍ଦ୍ର ପରିସଂଖ୍ୟାନ ଏବଂ କାର୍ଯ୍ୟକ୍ରମ ରୂପାୟନ ମନ୍ତ୍ରଣାଳୟର ସର୍ବଶେଷ ଜାତୀୟ ପରିସଂଖ୍ୟାନ ୨୦୨୪ ରିପୋର୍ଟ ଅନୁଯାୟୀ, ଗତ ତିନି ବର୍ଷ ମଧ୍ୟରେ […]
ନୂଆଦିଲ୍ଲୀ : ଦେଶରେ କ୍ରମଶଃ ହ୍ରାସ ପାଇବାରେ ଲାଗିଛି ଘରୋଇ ସଞ୍ଚୟ। କାରଣ ଗତ ୩ ବର୍ଷରେ ଏହି ଘରୋଇ ସଞ୍ଚୟ ପରିମାଣ ୯ ଲକ୍ଷ କୋଟି ଟଙ୍କା ହ୍ରାସ ଘଟିଛି। ୨୦୨୨-୨୩ ଆର୍ଥିକବର୍ଷରେ ଏହି ସଞ୍ଚୟ ପରିମାଣରେ ହ୍ରାସ ହୋଇ ୧୪.୧୬ ଲକ୍ଷ କୋଟି ଟଙ୍କାକୁ ଖସିଆସିଲାଣି, ଯାହାକି ବଡ଼ ଚିନ୍ତାରେ ବିଷୟ।
କେନ୍ଦ୍ର ପରିସଂଖ୍ୟାନ ଏବଂ କାର୍ଯ୍ୟକ୍ରମ ରୂପାୟନ ମନ୍ତ୍ରଣାଳୟର ସର୍ବଶେଷ ଜାତୀୟ ପରିସଂଖ୍ୟାନ ୨୦୨୪ ରିପୋର୍ଟ ଅନୁଯାୟୀ, ଗତ ତିନି ବର୍ଷ ମଧ୍ୟରେ ୨୦୨୨-୨୩ ପର୍ଯ୍ୟନ୍ତ ନେଟ୍ ଘରୋଇ ସଞ୍ଚୟ ୯ ଲକ୍ଷ କୋଟି ଟଙ୍କାରୁ ୧୪.୧୬ ଲକ୍ଷ କୋଟିରେ ପହଞ୍ଚିଛି। ୨୦୨୦-୨୧ରେ ନେଟ୍ ଘରୋଇ ସଞ୍ଚୟ ୨୩.୨୯ ଲକ୍ଷ କୋଟି ଟଙ୍କାରେ ପହଞ୍ଚିଛି। ସେହି ଦିନଠାରୁ ଏହା ହ୍ରାସ ପାଉଛି ବୋଲି ତଥ୍ୟ ଦର୍ଶାଉଛି। ୨୦୨୧-୨୨ରେ ନେଟ୍ ଘରୋଇ ସଞ୍ଚୟ ୧୭.୧୨ ଲକ୍ଷ କୋଟି ଟଙ୍କାକୁ ହ୍ରାସ ପାଇ ୨୦୨୨-୨୩ ମସିହାରେ ପାଞ୍ଚ ବର୍ଷର ସର୍ବନିମ୍ନ ସ୍ତର ୧୪.୧୬ ଲକ୍ଷ କୋଟି ଟଙ୍କାକୁ ଖସିଆସିଛି। ନେଟ୍ ଘରୋଇ ସଞ୍ଚୟ ୨୦୧୭-୧୮ରେ ୧୩.୦୫ ଲକ୍ଷ କୋଟି ରହିଥିଲା ଯାହା ୨୦୧୮-୧୯ ରେ ୧୪.୯୨ ଲକ୍ଷ କୋଟି ଏବଂ ୨୦୧୯-୨୦ ରେ ୧୫.୪୯ ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଛି।
ତଥ୍ୟ ଦର୍ଶାଇଛି ଯେ ମ୍ୟୁଚୁଆଲ୍ ଫଣ୍ଡରେ ବିନିଯୋଗ ପ୍ରାୟ ୨୦୨୨-୨୩ ମସିହାରେ ୧.୭୯ ଲକ୍ଷ କୋଟି ଟଙ୍କା ହୋଇ ତିନି ବର୍ଷ ମଧ୍ୟରେ ୨୦୨୦-୨୧ ରେ ୬୪,୦୮୪ କୋଟିରୁ ବୃଦ୍ଧି ପାଇଛି। ୨୦୨୧-୨୨ ରେ ଏହା ୧.୬ ଲକ୍ଷ କୋଟି ରହିଥିଲା। ଶେୟାର ଏବଂ ଋଣ ଦେୟରେ ଘରୋଇ ପୁଞ୍ଜି ବିନିଯୋଗ ପ୍ରାୟ ଦୁଇଗୁଣ ହୋଇ ୨୦୨୨-୨୩ ମସିହାରେ ୨.୦୬ ଲକ୍ଷ କୋଟି ଟଙ୍କା ହୋଇ ୨୦୨୦-୨୧ ରୁ ତିନି ବର୍ଷ ମଧ୍ୟରେ ୧.୦୭ ଲକ୍ଷ କୋଟି ଟଙ୍କା ହୋଇଛି। ୨୦୨୧-୨୨ ରେ ଏହା ୨.୧୪ ଲକ୍ଷ କୋଟି ରହିଥିଲା। ସେହିପରି ପରିବାରକୁ ବ୍ୟାଙ୍କ ଆଡଭାନ୍ସ (ଋଣ) ମଧ୍ୟ ତିନି ବର୍ଷ ମଧ୍ୟରେ ଦ୍ୱିଗୁଣିତ ହୋଇ ୨୦୨୨-୨୩ ମସିହାରେ ୧୧.୮୮ ଲକ୍ଷ କୋଟିରୁ ୨୦୨୦-୨୧ ରେ ୬.୦୫ ଲକ୍ଷ କୋଟି ଟଙ୍କା ହୋଇଛି। ୨୦୨୧-୨୨ ରେ ଏହା ୭.୬୯ଲକ୍ଷ କୋଟି ଟଙ୍କା ରହିଥିଲା। ଆର୍ଥିକ ନିଗମ ଏବଂ ଅଣ ବ୍ୟାଙ୍କିଙ୍ଗ ଆର୍ଥିକ ନିଗମ ଦ୍ବାରା ପରିବାରକୁ ଦିଆଯାଇଥିବା ଋଣ ମଧ୍ୟ ଚାରି ଗୁଣ ବୃଦ୍ଧି ପାଇ ୨୦୨୨-୨୩ ରେ ୩.୩୩ ଲକ୍ଷ କୋଟି ଟଙ୍କା ହୋଇ ୨୦୨୦-୨୧ ରେ ୯୩,୭୨୩ କୋଟିରୁ ବୃଦ୍ଧି ପାଇଛି। ୨୦୨୧-୨୨ ରେ ଏହା ୧.୯୨ ଲକ୍ଷ କୋଟି ଟଙ୍କା ରହିଥିଲା।