ବିଶ୍ବକପ୍‌ରେ ମାରାଡୋନା ପାଇଥିବା ଗୋଲ୍ଡେନ୍ ବଲ୍ ଟ୍ରଫି ନିଲାମ ହେବ

ପ୍ୟାରିସ: ଆର୍ଜେଣ୍ଟିନାର କିଂବଦନ୍ତି ଫୁଟବଲ୍ ଖେଳାଳି ଡିଏଗୋ ମାରାଡୋନାଙ୍କ ଗୋଲ୍ଡେନ୍ ବଲ୍ ଟ୍ରଫି ନିଲାମ ହେବ। ୧୯୮୬ ଫିଫା ବିଶ୍ବକପ୍ର ଶ୍ରେଷ୍ଠ ଖେଳାଳି ଭାବେ ମାରାଡୋନାଙ୍କୁ ଏହି ଟ୍ରଫି ମିଳିଥିଲା। ଏହି ଟ୍ରଫି ଚଳିତ ବର୍ଷ ଜୁନ୍ରେ ଫ୍ରାନ୍ସରେ ନିଲାମ କରାଯିବ ବୋଲି ଜଣାପଡ଼ିଛି। ଏହା ପ୍ରଥମ ଗୋଲ୍ଡେନ୍ ବଲ୍ ଭାବେ ନିଲାମ ହେବାକୁ ଯାଉଛି। ଏହାର ମୂଲ୍ୟ ଏପର୍ଯ୍ୟନ୍ତ ନିଶ୍ଚିତ ହୋଇନି। ହେଲେ ନିଲାମ ସଂସ୍ଥା ଜୁନ୍ ୬ରେ ଏହାର ମୂଲ୍ୟ ଲକ୍ଷାଧିକ ହେବ ବୋଲି ଆଶା ରଖିଛି। ମାରାଡୋନା ୨୦୨୦ରେ ମୃତ୍ୟୁ ବରଣ କରିଛନ୍ତି। ତାଙ୍କ ନେତୃତ୍ବରେ ମେକ୍ସିକୋରେ ଆୟୋଜିତ ବିଶ୍ବକପ୍ରେ ଆର୍ଜେଣ୍ଟିନା ବିଜେତା ହୋଇଥିଲା। ଫାଇନାଲ୍ରେ ୫ ଗୋଲ୍ ସ୍କୋର୍ କରିଥିଲା ବେଳେ ପ୍ରତିଯୋଗିତାରେ ସବୁ ମିନିଟ୍ରେ ସେ ଖେଳିଥିଲେ। ଏହି ବିଶ୍ବକପ୍ରେ ଇଂଲଣ୍ଡ ବିପକ୍ଷ କ୍ବାର୍ଟରଫାଇନାଲ୍ରେ ଦେଇଥିବା ଦୁଇଟି ଗୋଲ୍ ତାଙ୍କର ସର୍ବାଦା ସ୍ମରଣୀୟ ହୋଇଥିଲା। ପ୍ରଥମ ଗୋଲ୍ଟି ତାଙ୍କ ‘ହାଣ୍ଡ ଅଫ୍ ଗଡ଼’ ଭାବେ ପରିଚିତ ଥିଲା। ଦ୍ବିତୀୟଟି ୫ ଜଣ ଇଂଲିସ୍ ଖେଳାଳିଙ୍କୁ ପରାସ୍ତ କରି ଦେଇଥିଲେ। ଯାହା ‘ଗୋଲ୍ ଅଫ୍ ଦି ସେଞ୍ଚୁରି’ ଭାବେ ଗଣା ଯାଇଥିଲା। ଏହି ଦିନ ମାରଡୋନା ପିନ୍ଧିଥିବା ଜର୍ସି ଏବଂ ମ୍ୟାଚ୍ର ବଲ୍ ପୂର୍ବରୁ ନିଲାମ ହୋଇସାରିଛି।